Оклахома штати (АҚШ), Кушинг шаҳридаги Corrections Corporation of America’га қарашли қамоқхонада рўй берган тартибсизликлар оқибатида уч нафар маҳбус ҳалок бўлди, беш киши жароҳатланди. Бу ҳақда ABC News хабар бермоқда.
Корпорация вакили Стив Оуэннинг маълум қилишича, ғалаён 12 сентябрь, шанба кечки пайт бошланган ва 40 дақиқа атрофида давом этган. Муассаса ходимларидан ҳеч ким жабрланмади, яраланган маҳбуслар эса касалхонага ётқизилган.
Қамоқхона кучайтирилган тартибга ўтказилган.
Изоҳ (0)