Уитни Хьюстоннинг опаси Пэт 2016 йили хонанданинг голографик тасвири яратилишини маълум қилди. Бу ҳақда CNN хабар бермоқда.
Виртуал хонанда «АҚШнинг йирик шаҳрида» телевидение ва интернет орқали узатилиши режалаштирилган концерт бериши кутилмоқда. Агар ташаббус ўзини оқласа, голографик қўшиқчининг халқаро гастроллари ҳам бўлиб ўтиши эҳтимолдан холи эмас.
Мазкур лойиҳа учун грециялик миллиардер, АҚШнинг Hologram компанияси бош директори Алки Дэвид маблағ ажратмоқда. Уитни Хьюстоннинг 55 ёшли ўгай опаси марҳум санъаткор меросини тасарруф этаётган Whitney Houston Estate жамғармасига бошчилик қилади.
Изоҳ (0)