Актриса Муқаддас Саъдуллаева 11 сентябрь куни қиз фарзандлик бўлди. Бу ҳақда «MyDay.uz» лойиҳасининг Facebook’даги саҳифасида хабар берилган.
Актрисанинг ўзи Instagram’даги саҳифасида фарзандлик бўлгани ҳақида шундай деб ёзган: «Бугун менинг дунёим, ҳаётим мазмуни, бор бахтим, ягона қувончим, яшашга умидим дунёга келди. Уни менга бергани учун Аллоҳимга ҳамду санолар бўлсин! Қизалоғимни аввало тақдири гўзал бўлсин. Аллоҳ назаридаги инсон бўлиб вояга етсин! Мен бахтлиман!».
Таниқли Лутфулла ва Гулчеҳра Саъдуллаевларнинг кенжа қизи ҳисобланган Муқаддас Саъдуллаева 2014 йил 5 ноябрида актёр Санжар Ғаниевга турмушга чиққан, унинг фарзанд кутаётгани 2015 йил апрелида маълум бўлганди.
Изоҳ (0)