Лола Самарқанддаги мухлисларини хушнуд этди (фото)
Хонанда Лола 4 сентябрь куни бир нечта ҳамкасблари билан бирга Самарқандга йўл олди, дея хабар бермоқда «Popcorn.uz».
Хонанда шу куни туғилган куни бўлишига қарамай, халқ хизматига ошиқди. Самарқандда мустақилликнинг 24 йиллиги муносабати билан «Нима қилдик Ватан учун?» шиори остида бўлиб ўтган фестивалда бир қатор ҳамкасблари билан бирга иштирок этди.
Ўзбекистон Республикаси Маданият ва спорт ишлари вазирлиги, вилоят ҳокимлиги, «Камолот» ёшлар ижтимоий ҳаракати вилоят кенгаши ва бошқа ташкилотлар ҳамкорлигида ташкил этилган тадбир доирасида туман ва шаҳарлардаги истироҳат боғлари, маҳаллаларда истеъдодли ва хушовоз хонандалар иштирокида концерт дастурлари намойиш этилди.
Туманларда ўтказилган тадбирдан сўнг, Самарқанд шаҳрида ҳам галаконцерт бўлиб ўтди. Унда латофатли Лола фахрий ёрлиқ билан тақдирланди.
