«Барселона» клуби ва Аргентина терма жамоаси ҳужумчиси Лионель Месси бугун, 11 сентябрь куни иккинчи марта ота бўлди, деб хабар беради «Championat.com».
28 ёшли футболчи ва Антонелла Рокуццо оиласида иккинчи ўғил фарзанд дунёга келди. Чақалоққа Бенжамин исми қўйилди. Уларнинг катта ўғли Тиаго 2012 йил ноябрда туғилган эди.
«Барселона» ҳужумчини иккинчи ўғли дунёга келгани билан табриклади. 12 сентябрь, шанба куни «кўк-анорранглилар» Примеранинг 3-тури доирасида Мадриднинг «Атлетико» жамоасига қарши майдонга чиқади. «Барселона» аввалги икки турда ғалаба қозонган, Месси эса гол ура олмаган эди.
Изоҳ (0)