Туркияда жангарилар ҳужуми туфайли полициячи ҳалок бўлди, яна 3 киши яраланди
Курдистон ишчилар партияси (КИП) жангарилари мамлакат шарқидаги Тунжели провинциясида полициячиларга ҳужум қилди, дея хабар бермоқда «ТАСС» маҳаллий телевидениега таяниб. Бир полициячи ҳалок бўлган, яна икки нафари ҳамда бир фуқаро яраланган.
Жангарилар Хавфсизлик бошқармаси ходимлари ётоқхонасига кириш дарвозаси ёнида навбатчилик қилаётган полиция зирҳли транспортига қарата ўт очган. Ўқлар гранатомёт ва автоматлардан ёғдирилган. Соқчилар жавоб ўтини очиб, полициянинг махсус топшириқли бўлинмаларини чақирган. Уларни кўриб, террорчилар яширинган. Ҳудудда ҳужум қилганларни топиш ва зарарсизлантириш бўйича операция ўтказилмоқда.
Эрон билан чегарадош Агри провинциясида 10 сентябрга ўтар тунда КИП аъзолари Патнос уездидаги ҳукумат қароргоҳини гранатомётлардан ўққа тутди. Бино соқчилари нишонга олинди, бироқ уларга зарар етмади.
