Чеченистон раҳбари Рамзан Қодиров Россия Бош прокуратурасининг судья ва прокурорларни касбий фаолияти билан боғлиқ масалаларда ҳақорат қилмаслик лозимлиги тўғрисидаги баёнотига ўз муносабатини билдирди. Бу ҳақда «РИА Новости» хабар бермоқда.
«Мен Қуръонни «экстремистик китоб»деб топган судья ва прокурорни «шайтонлар» деб атадим. Ҳужжатнинг уларнинг профессионал фаолиятларига ҳеч қандай алоқаси йўқ. Россия қонунлари ва манфаатларини ҳимоя қилиш ўрнига улар ўзларининг аҳмоқона қарорлари билан барқарорлик ва хавфсизликка таҳдид солмоқда.
Бош прокуратура вакилининг «ҳуқуқий масалаларни ҳуқуқий асосда ҳал этиш» борасидаги маслаҳати жуда ғалати, чунки суднинг Қуръон ҳақидаги қарорини ўзи қонуний эмас», — дея таъкидлаган Қодиров «ВКонтакте» ижтимоий тармоғидаги саҳифасида. У, шунингдек, Жанубий Сахалин суди судьяси ва прокурори шаънига нисбатан айтган сўзларидан қайтмаслиги, улар Россия ва дунёдаги миллионлаб мусулмонларни ошкора ҳақорат қилганини айтиб ўтган.
Эслатиб ўтамиз, Россия Бош прокуратураси вакили Мария Гриднева ўз баёнотида Рамзан Қодировни судья ва прокурорларни ҳақорат қилишда айблаган эди.
Изоҳ (0)