Хонанда Райҳон Тошкент универмаги яқинидаги ерости йўлида икки боласи билан ётган аёл суратидан жуда таъсирланганини ва болаларни асраб олишга тайёрлигини билдирди, деб хабар беради «Sayyod.com».
Эслатиб ўтамиз, икки боласи билан ерости йўлида ухлаётган аёл сурати шиддат билан турли ижтимоий тармоқларда тарқалиб кетди. Гувоҳлар аёлнинг анча вақтдан бери еростида ётишини маълум қилган. Ушбу суратни кўрган кўпчилик интернет фойдаланувчилари кўчада қолган оилага ёрдам беришга тайёрлигини билдирган эди, улар орасида хонанда Райҳон ҳам бор.
«Балки тақдир тақозоси билан у аёл шундай ҳаётга мажбурдир, бироқ болаларини бу ҳолатда бошини ейди-ку. Ҳеч бўлмаса вақтинчалик бўлса ҳам унинг болаларини ўзимга ола қолай, ёрдам беринг, суратни кўрган сари юрагим чидамаяпти. Туркиянинг соҳилига ўлиги чиқиб қолган суриялик болакайнинг суратини кўргач, ўзимни анча пайт йиғидан тўхтата олмадим», — деб «Sayyod.com» Райҳоннинг сўзларидан келтирмоқда.
Маълумот учун, Райҳоннинг Ислом ва Имрон исмли ўғиллари бор. Эгизаклар 2014 йилнинг 5 майида дунёга келган.
Изоҳ (0)