Candy Crush Saga ўйини iPhone ва iPad’нинг бутун тарихида энг машҳур, Clash of Clans энг сердаромад ўйин, Pandora Radio эса энг сердаромад илова-дастур деб топилди. Бу ҳақда, App Annie статистика компанияси маълумотларига асосланиб, «Gazeta.ru» хабар бермоқда.
Angry Birds эса машҳур ўйинлар орасида учинчи бўлган бўлса, даромадлик даражаси бўйича кучли ўнликка ҳам кира олмади.
Facebook, Messenger, Instagram, WhatsApp ва бошқа ижтимоий тармоқлар ҳамда мессенжерларнинг илова-дастурлари кўчириб олишлари сони бўйича кучли ўнликни тўлдирган бўлса-да, аксарияти халқаро даромадлари бўйича кучли ўнликка кирмайди.
Даромадлик даражаси бўйича кучли учликдан, Pandora Radio’дан ташқари, асосан, Японияда даромад кўрадиган Жанубий Кореянинг LINE мессенжери ҳамда Zoosk танишув хизматининг илова-дастури жой олган.
Изоҳ (0)