АҚШнинг Миссури штатида 15 яшар қизни ўлдиришда айбланган 50 ёшли Родерик Нанлига нисбатан чиқарилган ўлим жазоси ижро этилди: жиноятчининг томирига заҳарли инъекция юборилди. Бу ҳақда Meduza хабар бермоқда.
Нанли ўз жазосини салкам 25 йил кутди, унга бу ҳукм 1991 йили чиқарилган эди. У билан бирга айбланган шериги Майкл Тэйлор 2014 йили қатл этилган.
15 ёшли Энн Харрисон 1989 йили, уйидан 20 метр нарида мактаб автобусини кутаётганда Нанли ва Тэйлор томонидан ўғирланган машинада олиб кетилган, зўрланган ва ўлдирилган эди.
Шу йил бошидан бери Миссурида 6 нафар жиноятчига нисбатан чиқарилган ўлим жазоси амалга оширилди. Штат губернатори Жей Никсон Нанлини афв этиш тўғрисидаги илтимосни рад этди.
Изоҳ (0)