2 сентябрь, чоршанба куни Ҳиндистонда ўтказилаётган умуммиллий иш ташлашда камида 150 миллион киши иштирок этмоқда. Бу ҳақда «ТАСС» хабар берди.
Турли соҳа ходимларининг кундалик ишларини бажаришдан бош тортганлари туфайли қурилиш ва транспорт тўхтаган, кўплаб дўконлар ва банк муассасалари ёпилган. Маҳаллий ҳукуматнинг мамлакатдаги 10 та йирик касаба уюшмаси билан музокаралар натижасиз тугагани намойишларга сабаб бўлган.
Ташкилотчилар агар ҳукумат 12 банддан иборат талабларини бажармаса, бир кунлик иш ташлаш муддатсиз намойишларга айланиши мумкинлиги тўғрисида огоҳлантирди. Улар орасида нарх-наво ошиши ва ишсизликка қарши чоралар кўриш, энг кам иш ҳақи ҳамда нафақалар миқдорини кўтариш каби талаблар бор.
Изоҳ (0)