Хитойнинг Heli компанияси Тожикистондаги «Данғара» эркин иқтисодий зонасида нефтни қайта ишлаш заводи қурилиши лойиҳасининг амалий қисмини рўёбга чиқаришни бошлади. «Nm.tj» хабарига кўра, қурилиш ишлари сентябрда бошланади, шу ойнинг иккинчи ўн кунлигида заводнинг тўрт қаватли маъмурий биноси қуриб битказилади.
Бўлажак завод учун технологик ускуналар Европа ва Хитойдан олиб келинмоқда. «Ускуналарнинг аксарият қисми Германия ва Италияда ишлаб чиқарилган», — дейди лойиҳага яқин манба. Эркин иқтисодий зона раҳбариятининг қўшимча қилишича, жаҳон молиявий инқирози лойиҳанинг амалга оширилишига таъсир қилмаган.
Қурилиш ишлари белгиланган жадвал асосида олиб борилмоқда ва корхонанинг биринчи навбати 2016 йил апрелида ишга тушиши режалаштирилган, кейинги навбатлари эса 2017 йилда фаолият кўрсатишни бошлайди. Қайд этишларича, Хитой томони мазкур нефтни қайта ишлаш заводи қурилиши лойиҳасига 460 миллион доллар инвестиция киритади.
Изоҳ (0)