Ҳукмрон Доминика озодлик партияси 30 август, якшанба куни давлат раҳбари Данило Медина номзодини 2016 йилги президентлик сайловларига киритди, дея хабар бермоқда «ТАСС».
Қарор ташкилот ассамблеясида қабул қилинди. Президент Медина, ўз навбатида, 2016 йилги сайловлардан сўнг номзодини олий давлат лавозими учун ортиқ илгари сурмасликка ва бу билан партиянинг бошқа раҳбарларига бошқарув имкониятини беришга ваъда берди.
Данило Медина Сиёсий қўмита ва ДОП Марказий қўмитаси аъзоларига ўз номзодини танлагани учун миннатдорлик билдирди, шунингдек, конституцияга унинг қайта сайланишига рухсат берувчи ўзгартиришларни киритгани учун қонун чиқарувчиларга раҳмат айтиб қолди. Конституциянинг аввалги таҳририда президент лавозимида кетма-кет икки муддат бўлишига рухсат берилмаган эди.
Изоҳ (0)