Буюк Британия собиқ бош вазири Тони Блер ҳукуматнинг амалдаги раҳбари Дэвид Кэмеронга Ливияни бомбардимон қилиш бошланишидан аввал Муаммар Каддафи билан келишишни таклиф қилганини маълум қилди. Бу ҳақда «Echo.msk.ru» хабар бермоқда.
Бироқ, The Times газетаси амалдаги бош вазирга бағишланган «Кэмерон Даунинг-стринг, 10-уйда» номли автобиография-китобига асосланиб хабар беришича, Дэвид Кэмерон бу таклифни рад этган.
Сер Энтони Селдон томонидан ёзилган китобда баён қилинишича, Ливия диктаторини ағдариб ташлаш бўйича 2011 йилги ҳарбий кампания вақтида Блер Даунинг-стритга қўнғироқ қилиб, унга «Каддафига яқин жуда муҳим инсон» мурожаат қилгани ва Муаммар «келишмоқчи эканлигини» билдирганини айтган.
Бош вазирнинг биографиясида қайд этилишича, британиялик нуфузли сиёсий арбоблар ҳам Кэмеронни Каддафига қарши курашдан қайтаришга уринган, бироқ бош вазир ўз фикрида қатъий турган. Китоб нашрдан чиққанидан сўнг, Британия парламенти Жамоа палатасининг бир қатор депутатлари Блердан тушунтириш беришни талаб қилди.
Изоҳ (0)