Уссури дарёси орқали Россиядан Хитойга сузиб ўтган қора айиқча Хэйлунцзя́н (Heilongjiang) вилоятидаги кичик шаҳарчада ваҳимага сабаб бўлди. «Crienglish.com» хабарига кўра, айиқ шаҳар хиёбонига кириб олган, у ердан эса қўрқувга тушиб қолган одамларни эвакуация қилишга тўғри келган.
Бақир-чақирдан жониворнинг ўзи ҳам қўрқиб кетиб, бинолардан бирининг ичига яшириниб олган. Бироқ уни топишга муваффақ бўлишган — оғирлиги 50 килограмм бўлган айиқча ухлатилиб, сўнг ўрмонга қўйиб юборилган.
Маҳаллий маъмурият маълумотларига кўра, бу Россиядаги айиқларнинг чегарани кечиб ўтиб, Хитойга кириб келиши билан боғлиқ 20 августдан бери кузатилган тўртинчи ҳолатдир.
Изоҳ (0)