Беларусь пойтахти Минск шаҳрида бўлиб ўтган «Миссис Дунё – 2015» танловида канадалик Эшли Бурнхэм ғолиб чиқди. Бу ҳақда «Корреспондент.net» хабар бермоқда.
Ундан кейинги ўринларни Жанубий Африка, Украина ва Коста-Рика вакилалари эгаллади. BuzzFeed портали хабарига кўра, Бурнхэм модель ва актриса сифатида фаолият олиб боради.
«‘Миссис Дунё’ танловининг янги ғолибасига айланганимдан фахрланаман! Мен мазкур совринни қўлга киритган Шимолий Америка ҳиндуларининг илк вакиласиман. Шунингдек, ‘Миссис Дунё’ сифатида тан олинган илк канадаликман. Жуда ҳам хурсандман», — дея ўз таассуротлари билан ўртоқлашди Бурнхэм.
Ўтган йилги танлов АҚШнинг Мэриленд штатида бўлиб ўтган, унда Беларусь вакиласи Марина Алексейчик ғалаба қозонган эди.
Изоҳ (0)