Беларусь президентлигига номзод Виктор Терешченко 28 август куни Минскдаги кафелардан бирида ўзининг ташаббускор штаби раҳбари Олег Нестеров билан нонушта қилаётиб бир стакан қаймоқли сабзи шарбати ичгач, шифохонага ётқизилди, деб хабар бермоқда «Корреспондент.net».
Нестеровнинг сўзларига кўра, Терешченко одатдагидай янги тайёрланган сабзи шарбатига буюртма берган, бироқ бирданига унинг аҳволи ёмонлаша бошлаган. Тез ёрдам уни энг яқин шифохонага олиб борган. Унга ёрдам кўрсатган шифокорларнинг сўзларига кўра, бу ҳолат аллергия билан боғлиқ. Терешченко камида 2—3 кун шифохонада қолиши айтилган.
Эслатиб ўтамиз, Беларусь президентлигига номзодини илгари суриш учун беш киши керакли имзоларни тўплай олган бўлиб, улар — Александр Лукашенко (амалдаги президент), Николай Улахович (Белоруссия ватанпарварлик партияси раҳбари), Сергей Гайдукевич (Беларусь либерал-демократик партияси раҳбари), Виктор Терешченко (иқтисодчи) ҳамда Татьяна Короткевич («Говори правду» кампанияси фаоли).
Изоҳ (0)