АҚШ Афғонистондаги «Ҳаққани тармоғи» экстремистик гуруҳи жангариси Абдул Азиз Ҳаққанини халқаро террорчилар рўйхатига киритди. Бу ҳақда «TASS» хабар беради.
АҚШ давлат департаментининг маълум қилишича, Абдулазиз Ҳаққани ушбу ташкилот бошлиғи Сирахуддин Ҳаққанининг акаси бўлиб, аввалроқ у ҳақдаги маълумот учун беш миллион доллар мукофот белгиланган.
Энди Америка ҳукумати Абдулазиз Ҳаққанининг активларини қонуний асосда ҳибсга олиши мумкин.
«Ҳаққани тармоғи» Афғонистонда бир неча марта одам ўғирлаган, АҚШ ва Афғонистон ҳукумати объектларига, шунингдек, тинч аҳолига ҳужум қилган.
Изоҳ (0)