Владимир Путин Москванинг Шереметьево аэропорти тадбиркорлар Александр Пономаренко ва Аркадий Ротенберг назорати остига ўтишини маъқуллаган бўлиши мумкин, деб ёзади Meduza Forbes’га таяниб.
Нашр манбаларига кўра, тегишли буйруқ президент канцеляриясида турибди. У имзоланган, бироқ эълон қилинганича йўқ.
Forbes аниқлик киритишича, буйруқда гап Шереметьево ҳамда Пономаренко ва Ротенбергнинг «ТПС Авиа» гуруҳига кирувчи хусусий компанияларнинг давлат активларини консолидация қилиш ҳақида боради. Консолидациядан сўнг давлат бирлашган компания устидан назоратни йўқотади, бироқ «Шереметьево халқаро аэропорти» ОАЖнинг камида 30 фоизини сақлаб қолиши керак.
Изоҳ (0)