Япония бош вазири Синдзо Абэ АҚШ президенти Барак Обамага Wikileaks ташкилотининг Япония бош вазири ва йирик япон корпорациялари АҚШ Миллий хавфсизлик агентлиги кузатуви объекти бўлгани ҳақидаги хабарлари юзасидан хавотир билдирди, дея хабар бермоқда «TAСС». Kyodo агентлиги ёзишича, бу ҳақда икки мамлакат етакчиларининг телефон суҳбатида айтилган.
«Агар бу ҳақиқатда бўлган бўлса, у ишончли алоқаларга путур етказиши мумкин», — деди Абэ. Бош вазир, шунингдек, Америка томонидан бу борада ўтказилган текширувлар натижаларини тақдим этишни талаб қилган.
Нашр эслатишича, Wikileaks 31 июль куни ўз порталида «Нишон — Токио» номли мақола эълон қилган эди. Унда келтирилган маълумотларга кўра, МХА япон компаниялари, давлат арбоблари ва вазирликлар ишчиларини камида 2006 йил сентябридан 2007 йил сентябригача — бош вазир Синдзо Абэ лавозимини эгаллаб турган вақтида кузатган.
Изоҳ (0)