Англиянинг «Челси» клуби мураббийи Жозе Моуриньо Англия премьер-лигасида сўнгги 17 мавсумдаги энг ёмон натижани кўрсатган жамоасидан бутунлай норози эканлигини маълум қилди, деб ёзади Mirror. Шунингдек, мутахассис ўз ишидан ҳафсаласи пир бўлганини билдирди.
«Мен футболчиларимнинг ҳеч қайсисидан мамнун эмасман: Бранислав Иванович, Гэри Кэхилл, Жон Терри, Сесар Аспиликуэта, Эден Азар, Франсеск Фабрегас, Неманья Матичнинг ўйини ва жисмоний ҳолатидан кўнглим қолди. Ўз ишимдан ҳам ихлосим қайтди. Сал бўлса-да чалғиш учун ҳар куни спортзалда тер тўкаман, лекин бу унчалик ҳам ёрдам бермаяпти», — деди португалиялик.
Мутахассис техник ҳудудда фаолроқ бўлиши, ўйинчиларга кўпроқ йўл кўрсатиши ва ўйинга тез-тез ўзгартиришлар киритиши кераклигини тахмин қилди. Моуриньо сўзларига кўра, жамоада барчасини тўғрилаш учун ҳали вақт бор.
Изоҳ (0)