Халқаро енгил атлетика федерациялари ассоциацияси (IAAF) оёғига протез ўрнатилган ампутант-спортчиларнинг мазкур ташкилот байроғи остида ўтказилаётган мусобақаларда иштирок этишини тақиқлади. Бу ҳақда «DeMorgan.be» хабар бермоқда.
Амалдорларнинг фикрича, протезлардан фойдаланиш спортчиларга устунлик бериши мумкин. Қарор шу йилнинг ноябрь ойидан кучга киради. IAAF бош котиби Эссар Габриэлнинг умид билдиришича, протезли спортчилар алоҳида лигада мусобақалашишади.
Энг машҳур ампутант-спортчи жанубий африкалик Оскар Писториус ҳисобланади, ҳозирги вақтда у дугонаси Рива Стенкампни ўлдиргани учун жазо муддатини ўтамоқда.
Ҳар иккала оёғи тизза остидан кесиб ташланган Писториус протез оёқларда енгил атлетика бўйича 2011 йилги жаҳон чемпионати кумуш медални қўлга киритганди, шунингдек, 2012 йилги Олимпиадада қатнашганди. У Паралимпия ўйинларининг олти карра чемпиони ҳисобланади.
Изоҳ (0)