Angliyaning “Chelsi” klubi murabbiyi Joze Mourinyo Angliya premyer-ligasida so‘nggi 17 mavsumdagi eng yomon natijani ko‘rsatgan jamoasidan butunlay norozi ekanligini ma’lum qildi, deb yozadi Mirror. Shuningdek, mutaxassis o‘z ishidan hafsalasi pir bo‘lganini bildirdi.
“Men futbolchilarimning hech qaysisidan mamnun emasman: Branislav Ivanovich, Geri Kexill, Jon Terri, Sesar Aspilikueta, Eden Azar, Fransesk Fabregas, Nemanya Matichning o‘yini va jismoniy holatidan ko‘nglim qoldi. O‘z ishimdan ham ixlosim qaytdi. Sal bo‘lsa-da chalg‘ish uchun har kuni sportzalda ter to‘kaman, lekin bu unchalik ham yordam bermayapti”, — dedi portugaliyalik.
Mutaxassis texnik hududda faolroq bo‘lishi, o‘yinchilarga ko‘proq yo‘l ko‘rsatishi va o‘yinga tez-tez o‘zgartirishlar kiritishi kerakligini taxmin qildi. Mourinyo so‘zlariga ko‘ra, jamoada barchasini to‘g‘rilash uchun hali vaqt bor.
Izoh (0)