Футбол бўйича Бразилия кубоги нимчорак финал учрашувида «Палмейрас» (Сан-Паулу) ҳужумчиси Дуду «Крузейро» (Белу-Оризонти) бош мураббийи Вандерлей Лушембургонинг қўлини синдириб қўйди. Бу ҳақда Mirror хабар бермоқда.
Вазиятларнинг бирида футболчи тўп учун курашда майдондан ташқарига чиқиб кетди ва рақибга қарши кураш вақтида тасодифан мураббийга урилди. Тўқнашув оқибатида Лушембурго майдонга қулади ва қўл панжасини синдириб олди.
Сан-Паулудаги стадионда ўтган ўйин 2:1 ҳисобида «Палмейрас» ғалабаси билан якунига етди. Сан-Паулу клуби ишқибозлари Лушембургонинг қўли синган вазиятни қарсаклар билан кутиб олди, чунки 63 ёшли мутахассис ўз вақтида «Палмейрас»да ишлаган ва жамоани 2009 йили катта жанжал билан тарк этганди.
Изоҳ (0)