Вашингтон Пекиндан хитойлик махфий агентларнинг АҚШдаги фаолиятини тўхтатишни талаб қилди. Америка махсус хизматлари маълумотларига кўра, хитойликлар коррупцияда гумон қилинган Хитой фуқароларини кузатиш ва қайтиб олиб кетиш мақсадида АҚШга ташриф буюрмоқда, дея хабар бермоқда CNN.
Хитой ҳукумати мазкур талабга жавобан «тулкиларни овлаётгани»ни (Fox Hunt) маълум қилди — ўз капитали билан чет элга қочиб кетган хитойлик собиқ амалдорларни жавобгарликка тортиш бўйича дастурга шундай шартли ном қўйилган.
«Бизнинг ҳаракатларимиз мутлақо қонуний, бундан ташқари, бу йил икки мамлакат ўртасида келишувга ҳам эришилди», — деди Хитой маъмуриятининг исми ошкор этилмаган вакили.
Пекиндагиларнинг қайд этишича, АҚШ ички хавфсизлик вазири Жеҳ Жонсон коррупцияга алоқадор хитойликларни ўз ватанига қайтариш бўйича операцияни ўтказишда Хитойга фаол ёрдам беришни ваъда қилганди.
Маълумот учун, 2014 йилдан бери Хитой ҳукумати томонидан порахўрликда айбдор деб топилган 930 дан ортиқ хитойлик турли мамлакатлардан ватанга қайтарилди.
Изоҳ (0)