БМТ ҳукумат экспертлари гуруҳи халқаро ахборот хавфсизлиги тўғрисида маъруза тайёрлади, дея хабар бермоқда Meduza. Унда 20 та энг йирик дунё мамлакатлари кибертехнологияларни тинчлик мақсадларида ишлатиш ва ўта муҳим инфратузилма объектларига ҳужум уюштирмасликка келишиб олгани айтилади.
Шу билан бирга, мамлакатлар хакерларнинг ўз ҳудудларида туриб, бошқа давлатларга қарши ноқонуний фаолият олиб боришга уринишларига қарши кураш мажбуриятини олади. Маърузада келтирилган келишувлар ҳозирча фақат тавсиявий хусусиятга эга. Кибермаконга ҳужум қилмаслик ҳақида келишиб олган мамлакатлар қаторига Россия, АҚШ, Хитой, Буюк Британия, Бразилия, Япония, Исроил ва бошқалар кирди.
Ҳужжат матни устида бир неча йил давомида иш олиб борилган. Энди у БМТ Бош ассамблеясида муҳокамага қўйилиши кутилмоқда.
Изоҳ (0)