BMT hukumat ekspertlari guruhi xalqaro axborot xavfsizligi to‘g‘risida ma’ruza tayyorladi, deya xabar bermoqda Meduza. Unda 20 ta eng yirik dunyo mamlakatlari kibertexnologiyalarni tinchlik maqsadlarida ishlatish va o‘ta muhim infratuzilma obyektlariga hujum uyushtirmaslikka kelishib olgani aytiladi.
Shu bilan birga, mamlakatlar xakerlarning o‘z hududlarida turib, boshqa davlatlarga qarshi noqonuniy faoliyat olib borishga urinishlariga qarshi kurash majburiyatini oladi. Ma’ruzada keltirilgan kelishuvlar hozircha faqat tavsiyaviy xususiyatga ega. Kibermakonga hujum qilmaslik haqida kelishib olgan mamlakatlar qatoriga Rossiya, AQSh, Xitoy, Buyuk Britaniya, Braziliya, Yaponiya, Isroil va boshqalar kirdi.
Hujjat matni ustida bir necha yil davomida ish olib borilgan. Endi u BMT Bosh assambleyasida muhokamaga qo‘yilishi kutilmoqda.
Izoh (0)