Ироқ бош вазири Ҳайдар ал-Ободий фармойишига кўра, мамлакатдаги қатор вазирликлар ва давлат лавозимлари тугатилди. Бу ҳақда Reuters маълумотларига асосланиб, «Gazeta.ru» хабар берди.
«Умуммиллий манфаатлардан келиб чиқиб ҳамда вакиллар кенгаши маъқуллашига кўра, вазирлар кенгаши аъзолари сонини ҳозирги 33 тадан 22 тагача камайтиришга қарор қилинди»,— дейилади фармойишда.
Ушбу қарор бош вазир томонидан таклиф этилган ва ҳукумат ҳамда парламент томонидан қўллаб-қувватланган ислоҳотлар доирасида қабул қилинди.
Изоҳ (0)