Бразилияда юз минглаб намойишчилар президент импичментини талаб қилди

Бразилияда оммавий норозилик акциялари бўлиб ўтди, улар мамлакат президенти Дилма Руссефнинг истеъфосини талаб қилди, деб ёзади «РБК».

Акция ташкилотчилари маълум қилишича, 16 август, якшанба куни кўчаларга жами 1,9 миллион киши чиққан. Полиция намойишчиларни 866 минг киши деб баҳолади. Намойишлар пойтахт Бразилиа, Сан-Паулу, Рио-де-Жанейро ва бошқа шаҳарларда бўлиб ўтди.

Руссефнинг ўзи норозилик акцияларини изоҳлар экан, импичментни давлатни тўнтариш ҳақидаги таҳдидга қиёслади ва лавозимидан воз кечмаслигини таъкидлади.

Ушбу акция шу йил ҳисобидан учинчиси бўлди.

Норозилик намойишларига Petrobras нефт корпорацияси атрофида юзага келган коррупция можароси сабаб бўлди – Дилма Руссефф президент бўлгунига қадар етти йил давомида Petrobras’га раҳбарлик қилган.

Маълум бўлишича, компаниянинг бир қатор ходимлари имзоланган шартномалардан 3 фоиз миқдорида мукофот пули олиб турган, кейинчалик эса бу пуллардан сиёсатчилар ва амалдорларни сотиб олиш учун фойдаланилган.