Эрон билан келишувга эришилгани бошқа муаммолар, жумладан, Шимолий Корея ядро қуроли билан боғлиқ масалаларни ҳал этишда муҳим сабоқ бўлиши мумкин. Бу ҳақда Буюк Британия ташқи ишлар вазири Филип Хаммонд 12 август, чоршанба куни Пекинга ташрифи чоғида маълум қилди, дея хабар бермоқда ‘’РИА Новости».
«Ўтган ойда Венада Эрон билан келишувга эришилгани кўп томонлама дипломатиянинг улкан ютуғидир. Ундан керакли хулосалар чиқариш мумкин, жумладан, Шимолий Корея масаласида ҳам. Жаҳон ҳамжамияти бу давлат билан музокаралар натижасида ядро қуроли яратиш дастурига барҳам берилишидан манфаатдор, бунда эса Хитой ниҳоятда муҳим ўрин тутади»,—дея таъкидлаган Хаммонд.
Ташқи ишлар вазири Хитой раҳбари Си Цзиньпиннинг Лондонга кузда кутилаётган ташрифига тайёргарлик доирасида Пекинга келган.
Изоҳ (0)