Япониянинг Йокогама шаҳрида 11 август, сешанба куни Пикачу покемонлари паради бўлиб ўтди. Бу ҳақда The Daily Mirror хабар бермоқда.
Тадбирда машҳур компьютер ўйини қаҳрамони кўринишидаги либосларни кийиб олган мингдан ортиқ одам иштирок этди. Покемонлар юриши Токиодаги хорижий мамлакатларнинг элчихоналари ва дипломатик ваколатхоналари жойлашган Минато туманида якунига етган.
Ҳодиса гувоҳлари томонидан интернетга жойлаштирилган видеоёзувларда мультпликацион қаҳрамонлар икки қатор бўлиб, бир хилда у ёқдан бу ёққа тебраниб қадам ташлаётганликларини кўриш мумкин. Томошабинларнинг аксарияти ҳам Пикачу либосини кийиб олган.
Gentside Gaming нашрининг қайд этишича, Йокогамада Пикачу покемонларининг юриши ҳар йили бўлиб ўтади.
Пикачу ва бошқа покемонлар япониялик гейм-дизайнер Сатоси Тадзири сабаб пайдо бўлган. У раҳбарлик қилган Game Freak студияси 1996 йили иккита «Покемон» ўйинини чиқарган ва бу ўйин бутун дунё бўйлаб тезда оммалашиб кетган. Кейинчалик ўйин асосида аниме, манга, коллекцион қарта ўйини ва бошқа шунга ўхшаш маҳсулотлар ишлаб чиқарилган.
«Покемон» сўзи суперқобилиятларга эга бўлган, ўйлаб топилган махлуқни ифодалаш учун ишлатилади. Пикачу эса мазкур франшизанинг энг таниқли ва машҳур қаҳрамонларидан биридир.
Изоҳ (0)