Eron bilan kelishuvga erishilgani boshqa muammolar, jumladan, Shimoliy Koreya yadro quroli bilan bog‘liq masalalarni hal etishda muhim saboq bo‘lishi mumkin. Bu haqda Buyuk Britaniya tashqi ishlar vaziri Filip Xammond 12-avgust, chorshanba kuni Pekinga tashrifi chog‘ida ma’lum qildi, deya xabar bermoqda “RIA Novosti”.
“O‘tgan oyda Venada Eron bilan kelishuvga erishilgani ko‘p tomonlama diplomatiyaning ulkan yutug‘idir. Undan kerakli xulosalar chiqarish mumkin, jumladan, Shimoliy Koreya masalasida ham. Jahon hamjamiyati bu davlat bilan muzokaralar natijasida yadro quroli yaratish dasturiga barham berilishidan manfaatdor, bunda esa Xitoy nihoyatda muhim o‘rin tutadi”,—deya ta’kidlagan Xammond.
Tashqi ishlar vaziri Xitoy rahbari Si Szinpinning Londonga kuzda kutilayotgan tashrifiga tayyorgarlik doirasida Pekinga kelgan.
Izoh (0)