Ўзбекистонда ташриф билан бўлиб турган Жанубий Кореядаги Инҳа университетининг янги президенти Сунья Чой хоним 12 август куни Тошкентдаги Инҳа университети ректори Шерзод Шерматов билан учрашди. Бу ҳақда «Infocom.uz» хабар бермоқда.
Учрашув давомида ўзаро ҳамкорликни бундан кейин ҳам ривожлантириш, маҳаллий профессор-ўқитувчилар таркиби малакасини ошириш бўйича ҳужжатлар имзоланди, шунингдек, Тошкентдаги Инҳа университети кутубхонаси учун янги китоблар совға қилинди.
Сунья Чой бошлиқ делегация университет биносида экскурсия қилиб бўлганидан сўнг олийгоҳнинг янги талабалари билан учрашди ва кириш имтиҳонлари вақтида энг юқори балл тўплаган — Улуғбек Самиғжонов, Жаҳонгир Неъматов, Темур Қодиров, Абдураҳмон Қодиров, Жалолиддин Шофиев, Элбек Ҳошимжонов, Малика Анваржонова, Шоҳруҳ Шомаҳмудов, Шерзод Ниёзов, Жавоҳир Жўрахоновга грант сертификатларини топширди.
Грант соҳиби бўлган 10 талабанинг уч нафари кириш имтиҳонлари якунига кўра энг юқори баллни (100%) қўлга киритганини алоҳида қайд этиб ўтиш жоиз. Маълумот учун, 14 август куни Алоқа тарихи музейида ОАВ вакиллари учун Инҳа университети президенти Сунья Чой иштирокида матбуот анжумани бўлиб ўтади.
Изоҳ (0)