Украина Бош прокуратураси тергов бошқармасига собиқ президент Виктор Янукович ўрнига унинг адвокати Виталий Сердюк келди. Бу ҳақда «Сегодня.ua» хабар бермоқда.
Адвокатнинг билдиришича, Янукович ўз ҳаётидан хавфсирагани учун прокуратурага бевосита келмаган. Шунингдек, у мижози Бош прокуратурага ишнинг ошкора кўриб чиқилиши ва жамоатчиликка унга нисбатан очилган жиноий иш манбаларини таништириш тўғрисидаги илтимос билан мурожаат қилгани, аммо прокуратура бундан бош тортганини маълум қилди. Шунингдек, Янукович видеоконференция йўли билан гувоҳлик беришга тайёр эканлигини таъкидлади.
Эслатиб ўтамиз, 28 июлда Украина бош прокурори Виктор Шокин Януковичга сиртдан айблов қўйиш жараёни бошланганини эълон қилди. Собиқ президентга нисбатан 5 та жиноий иш очилган.
Изоҳ (0)