Таниқли киноактёр Жавоҳир Зокиров «Авлод» номли гуруҳ аъзолари уни ўзларига қўшмагани учун алам устида «Болалар» гуруҳини тузганини тасдиқлади, деб хабар бермоқда «1news.uz». Унинг айтишича, «Болалар» гуруҳини у ташкил қилган.
«90-йилларда ‘Авлод’ деган гуруҳ бўларди. Бу гуруҳда Наргиз Зокирова, Бакир Зокиров, Баҳодир Зокировлар қўшиқ айтарди. Уларнинг ёнига бориб мени ҳам шу гуруҳга олинглар, десам ‘Сен безорисан, сен ундан кўра гитара чалишни ўрган’ дейишганди. Мен чалишни хоҳламайман, мен қўшиқ айтишни истайман, деганимда ‘Йўқ, сен қўшиқ айтмайсан’, дегандилар. Ўшанда Наргиз Зокированинг эри Руслан Шарипов менга ёрдам қўлини чўзган эди.
Ўзимнинг туғишган амаким эмас, менга айтарли қариндош ҳам бўлмаган одам ёрдам берганди. Ўша вақтда Баҳодир деган дўстим бўларди. Унга ‘Кел, бир гуруҳ тузамиз’ деганимда, Тоҳирни гуруҳга олиш таклифини билдирган эди. ‘Қўй ўша Тоҳир-поҳирингни, иккаламиз ҳам яхши эплаймиз’ деганман. Кейинчалик Тоҳирни ҳам гуруҳга жалб қилдик. Шу билан ‘Болалар’ гуруҳи ташкил топди. Биринчи альбомимизда мен тўртта, Баҳодир битта ва Тоҳир Содиқов тўртта қўшиқ айтган эди», — дейди Зокиров «Даракчи» нашрига берган интервьюсида .
Изоҳ (0)