Мисрнинг ўлим жазосига маҳкум этилган собиқ президенти Муҳаммад Мурсий қамоқхонадаги озиқ-овқат таъминоти сифатидан норозилик билдирди ва тиббий кўрикдан ўтказишларини талаб қилди. Бу ҳақда Reuters агентлиги хабар бермоқда.
Қандли диабетдан азият чекаётган Мурсий унга сифатсиз таомларни тортиқ қилаётганликларини маълум қилиб, «ўзи учун хавфли эканлигини ҳис қилгани сабаб» қамоқхона таомларини тановул қилишдан ўзини тияётганини қайд этиб ўтди.
Айни вақтда, собиқ президентнинг таъкидлашича, қамоқхона маъмурияти Мурсий учун ташқаридан олиб келинаётган таомларни киритмаяпти.
2011 йил январида юз берган қамоқхонадан оммавий қочиш ишини кўриб чиққан Миср суди 16 май куни Мурсийни ўлимга ҳукм қилганди. У, шунингдек, Қатарга махфий маълумотларни тақдим этганликда ҳам айбланмоқда. Мазкур жиноят иши бўйича навбатдаги суд мажлиси 9 август куни бўлиб ўтади.
Изоҳ (0)