Мексиканинг Сакатекас штатидаги Масапиль шаҳарчасида оғир юк машинасининг зиёратчилар гуруҳига келиб урилиши оқибатида камида 20 киши ҳалок бўлди, 40 киши жароҳатланди. Бу ҳақда шаҳарча мэри Висенте Перес Эскивель маълум қилди, дея хабар беради «РИА Новости».
Дастлабки маълумотларга кўра, юк машинасининг тормози ишламай қолган ва Масапиль шаҳарчасидаги кўчалардан бирида диний маросимга кетаётган зиёратчиларга келиб урилган. Ҳайдовчи воқеа жойидан яширинган, уни қидиришмоқда.
Шаҳарчага ҳатто қўшни Коауила штатидан ҳам қутқарувчилар етиб келди, жароҳатланганлар касалхоналарга ётқизилди. Суриштирув ишлари олиб борилмоқда.
Изоҳ (0)