Хитой жанубидаги Гуанси-Чжуан мухтор туманида олтита Вьетнам юк кемаси ҳалокатга учраганидан сўнг салкам 50 киши қутқариб қолинди. Бу ҳақда «РИА Новости» хабар бермоқда.
Кемалар Фанчэнган денгизбўйи шаҳри яқинида тўнтарилиб кетгани ёки саёзликка ўтириб қолгани тахмин қилинмоқда. Ҳалокатга кучли шамол ва баланд тўлқинлар сабаб бўлган. 27 июль, душанба куни кечки пайт маҳаллий қирғоқ полицияси денгизчилар ва балиқчилар ёрдамида 41 кишини қутқарган бўлса, эртасига 7 нафар денгизчи кемаларидан соғ-омон топилган.
Изоҳ (0)