Ҳозирги кунга қадар Украина шарқидаги жанговар ҳаракатлар давомида мамлакат қуролли кучларининг 2,3 мингга яқин ҳарбий хизматчиси ҳалок бўлган, 270 нафари бедарак йўқолган. Бу ҳақда, «Сегодня.ua» хабарига кўра, Украина Қуролли кучлари Ҳарбий-фуқаролик ҳамкорлик бошқармаси бошлиғи Алексей Ноздрачев маълум қилди.
«Айнан қанча киши бедарак йўқолганини айтиш қийин. Тажриба бўйича, айтилган рақамнинг 40 фоизи асирликда бўлади, 60 фоизи эса ҳалок бўлиб улгурган. Шу сабабли, бедарак йўқолган деб гумон қилинаётган 270 нафар ҳарбийнинг 70—80 нафарини асирликда деб ҳисоблаймиз, қолганлар эса, афсуски, ҳалок бўлган», — деди Ноздрачев.
Эслатиб ўтамиз, БМТнинг расмий маълумотларига кўра, Украина шарқидаги қуролли низо бошланганидан бери 6,5 минг киши ҳалок бўлган.
Изоҳ (0)