Samsung мобил телефонларни симсиз қувватлантириш функциясига эга бўлган SЕ370 мониторини тақдим этди, дея хабар бермоқда «3dnews.ru». Компания таъкидлашича, бу шундай функцияли дунёдаги биринчи монитордир.
23,6 ва 27 дюймли вариантларда чиқариладиган монитор Qi стандарт симсиз зарядкадан фойдаланадиган барча мобил қурилмаларга мос тушади. Қувватланиш автоматик тарзда ёнади — бунинг учун телефонни монитор тиргагидаги заряд майдончасига жойлаш кифоя, шунда яшил ёруғлик диодли индикатор ишга тушади.
Монитор Windows (жумладан Windows 10) ва ОS Х’да ишлайдиган қурилмалар билан мос тушади.
Изоҳ (0)