TJournal нашри папарацци Михаил Гулконинг омадли кадр кетидан қувиб «юлдузлар ови»га чиқишнинг ўзига хос жиҳатлари ҳамда фотосуратларни сотишдан тушадиган маблағ миқдори ҳақида сўзлаб берганларини келтирди.
Баъзи вазиятларда Гулко зарур фотосуратни тушириш учун ойлаб пистирмада ўтиришига тўғри келган, бироқ ушбу бизнесда энг баланд нарх битта расм учун 10—15 минг долларга тенг.
Гулко Швеция маликаси Мадленнинг ўз ити ахлатини тозалаб олаётгани акс этган суратни Франция агентлигига 10 минг долларга пуллаган бўлса, актриса Дрю Бэрриморнинг эри ва фарзанди билан сайр қилиб юрган расми 3 минг долларга сотилган.
Баъзан папарацци нашрлар ўртасидаги рақобат туфайли катта пул ишлаб олиши мумкин. Масалан, қўлида US Weekly журналини олиб кетаётган Женнифер Энистон суратини ушбу нашрнинг рақобатчиси People Magazine 500 минг долларга сотиб олган. Нашр ушбу сурат ҳеч қачон чоп этилмаслигини истаган.
Юлдузларнинг қаерда эканлиги ҳақида сураткашлар бошқа ҳамкасблари орқали билиб олади, хусусий детектив ёллайди ёки меҳмонхона хизматчиларига пора беради. Фотосурат омадли чиқиши эҳтимолини ошириш учун папарацци жамоа бўлиб ишлайди ва фойдани бўлиб олади.
Изоҳ (0)