КХДР етакчиси Ким Чен Ин мамлакат тузуми учун хавфли бўлиши мумкин бўлган маҳаллий ва хорижий ижрочиларнинг мусиқий асарларини йўқ қилиш ҳақида кўрсатма берди. Бу ҳақда “Nur.kz” хабар бермоқда.
Корея Меҳнат партиясининг ташвиқот ва тарғибот бўлими томонидан эълон қилинган тақиқланган қўшиқларнинг кенгайтирилган рўйхатидан Робин Гуд ҳақидаги фильмда янграган «Қўзғалинг, қондош биродарлар» ва «Қасос олиш» қўшиқлари, шунингдек, маҳаллий телевидение учун махсус ёзилган «Йиғламайдиган халқ» таронаси ўрин олган.
«Қора рўйхатга тушган қўшиқлардан бирортаси исталган бир қурилмада топилса, у тўлиқ ёқиб юбориляпти», — дейди Шимолий Кореядаги манбалар.
Бироқ мамлакат етакчисининг мазкур қарори акс таъсир бергани ҳам айтилмоқда. Жумладан, тақиқланган қўшиқлар ёзилган дискларнинг мусодара этилиб, йўқ қилиниши аҳолининг норозилигига сабаб бўлмоқда.
Изоҳ (0)