Motorola компанияси смартфонларнинг янгиланган линейкасини намойиш этди, энди унинг таркибига бир йўла иккита Moto X смартфони киради, дея хабар бермоқда «Газета.ru».
Moto X’нинг иккита версияси Style ва Play деб ном олди. Moto X Style 5,7 дюймли ва 2560×1440 пикселли дисплей, Qualcomm Snapdragon 808 процессори, 3 ГБ тезкор хотира, 21 мегапикселли камера, 3000 мА/с сиғимли аккумуляторга эга бўлди. Смартфон нархи 399 долларни ташкил этади.
Moto X Play эса кучсизроқ модификация бўлиб, 5,5 дюймли дисплей, Qualcomm Snapdragon 615 процессори, 2 ГБ тезкор хотира, 21 мегапикселли камера, 3630 мА/с сиғимли аккумулятор билан жиҳозланган. Смартфон нархи — 299 доллар.
Ўртача нарх сегментидаги Moto G смартфони 5 дюймли ва 1280×720 пикселли дисплей, Qualcomm Snapdragon 410 процессори, 13 мегапикселли камера, 2470 мА/с сиғимли аккумуляторга эга. Унинг 8 ГБ хотирали версияси 180 доллар, 16 ГБ лиси эса 220 доллар туради.
Изоҳ (0)