Motorola kompaniyasi smartfonlarning yangilangan lineykasini namoyish etdi, endi uning tarkibiga bir yo‘la ikkita Moto X smartfoni kiradi, deya xabar bermoqda “Gazeta.ru”.
Moto X’ning ikkita versiyasi Style va Play deb nom oldi. Moto X Style 5,7 dyuymli va 2560×1440 pikselli displey, Qualcomm Snapdragon 808 protsessori, 3 GB tezkor xotira, 21 megapikselli kamera, 3000 mA/s sig‘imli akkumulyatorga ega bo‘ldi. Smartfon narxi 399 dollarni tashkil etadi.
Moto X Play esa kuchsizroq modifikatsiya bo‘lib, 5,5 dyuymli displey, Qualcomm Snapdragon 615 protsessori, 2 GB tezkor xotira, 21 megapikselli kamera, 3630 mA/s sig‘imli akkumulyator bilan jihozlangan. Smartfon narxi — 299 dollar.
O‘rtacha narx segmentidagi Moto G smartfoni 5 dyuymli va 1280×720 pikselli displey, Qualcomm Snapdragon 410 protsessori, 13 megapikselli kamera, 2470 mA/s sig‘imli akkumulyatorga ega. Uning 8 GB xotirali versiyasi 180 dollar, 16 GB lisi esa 220 dollar turadi.
Izoh (0)