Кўчмас мулк тўғрисидаги сайт — Uybor.uz Android ва iOS операцион тизимларида ишловчи смартфонлар учун мобил дастурни тақдим этди.
Ҳаётнинг ҳозирги суръатлари барча соҳаларда тезлашишни талаб қилади. Музлатилган пиццани иситиб олиш бутун кунни газ плитаси олдида ўтказишнинг ўрнини босмоқда, ижтимоий тармоқлардаги бир нечта «лайк» эса дўстлар билан кўп соатлик суҳбатларнинг ўрнини эгалламоқда. Янгиликлар ва биржа маълумотлари, валюталар курси ва об-ҳаво, тадбирлар анонси ва иш ёзишмалари — буларнинг барчасини югуриш вақтида, смартфон экранида бармоқларни юритиш орқали кўриш мумкин. Энди эса мамлакатнинг исталган ҳудудида худди шундай тезкорлик билан кўчмас мулкни сотиш, сотиб олиш, ижарага бериш ёки олиш мумкин.
Яқинда кўчмас мулкка ихтисослашган Uybor.uz сайти излаш хизматининг аввалги услубларининг барча устунликларини бирлаштирган мобил дастурни ишлаб чиқди. Энди сиз газеталарга эълон беришингиз, уй бозорларига боришингиз, интернет-порталларда эълон жойлаштиришингиз, эълонларни кўчаларда ёпиштиришингиз шарт эмас. Телефон ёки планшетга дастурни ўрнатишингиз кифоя — Тошкент, Самарқанд, Андижон ва Ўзбекистоннинг бошқа шаҳарларида сотиладиган ёки ижарага бериладиган уй, квартира, офисни излаш бир зумлик ишга айланади. Android (https://goo.gl/3SG0gq) ёки iOS (https://goo.gl/8FAO5P) учун дастурни ҳозирнинг ўзида юклаб олишингиз мумкин.
Мобил дастур Ўзбекистоннинг етакчи кўчмас мулк агентликлари, хусусий сотувчи ва харидорларнинг кенг доираси учун учрашув жойидир. Қатор устунликлар эвазига бу ерда орзудаги уйни осонгина топиш ёки ўз кўчмас мулкини муваффақиятли сотиш мумкин.
Uybor.uz мобил дастурининг қулайликлари нималардан иборат?
– Бепул. Эълонларни қўшиш, бўлажак мижозларни излаш ва улар билан мулоқот қилиш мутлақо бепул.
– Тезкорлик. Дастур сайтдан кўра тезроқ очилади. Эълонни дунёнинг интернет етиб борган исталган нуқтасидан қўшиш мумкин. Фотосуратларни телефон камерасига кўчмас мулк объектини суратга туширган заҳоти қўшиш мумкин. Модератор текширувидан сўнг эълонни дарҳол бўлажак мижозлар кўриши мумкин бўлади.
– Харита бўйича излаш. Сиз қидирув жараёнида ўнлаб саҳифаларни кўриб чиқишингизга ҳожат йўқ. Харитада керакли ҳудудни бармоғингиз билан белгиланг ёки керакли туманни танланг — дастур барча мос келувчи эълонларни кўрсатади. Кўчмас мулк тури, нархи ёки хоналар сони бўйича фильтрлар кераксиз маълумотларни чиқариб ташлаш, вақтни тежаш ва орзуингиздаги кўчмас мулкни топишга имкон яратади. «Ҳозирги жойлашув» тугмаси орқали эса ҳозир турган жойингиздан 5 километр радиусдаги эълонларни ажратиб олишингиз мумкин.
– Квартираларни баҳолаш воситаси. Квартирангизни қанчага нархлашни билмаяпсизми? Дастурга ўрнатилган квартираларни баҳолаш воситасидан фойдаланинг. Бир нечта параметрларни киритиш орқали квартирангизнинг ўртача реал бозор нархларига асосланган қийматини билиб олишингиз мумкин.
– Қулай. Дастур Android ва iOS базасидаги смартфонлар учун махсус ишлаб чиқилган. Бу ерда ортиқча тугмалар, ҳаволалар ва баннерлар йўқ, фақат максимал даражадаги қулай бошқарув бор. Батафсил статистика, чоп этилган эълонларни бошқариш, мижозлар билан ёзишмаларингиз шахсий кабинетда жойлашган.
– Батафсиллик. Эълонда сиз кўчмас мулкнинг батафсил таърифини, исталган фотосуратларни жойлаштиришингиз, мўлжалларни кўрсатишингиз мумкин. Қизиқарли матн ва чиройли суратлар рақобатчилар орасида ажралиб туришга ёрдам беради.
– Катта аудитория. Ўзбекистонда смартфонлар фойдаланувчилари сони тобора ортиб бормоқда. Uybor.uz аудиторияси газеталар ва очиқ бозор аудиториясидан анча катта. Сайт интернетда ва Ўзбекистон шаҳарлари билбордларида кенг реклама қилинади.
– Риэлторлар базаси. Олди-сотди ёки ижара билан мустақил шуғулланишни истамасангиз, биз сиз учун махсус тўплаган базадан ёрдамчи агентни танланг. Фойдаланувчилар томонидан тузилган рейтинг сизга тўғри танлов қилишда ёрдам беради.
Ярим тунда яқинлашаётган дам олиш кунлари учун Чорвоқдан ижара учун дала ҳовли излайсизми ёки янги қурилган уйлардан ҳашаматли квартира танлайсизми, бувингизнинг эски икки хонали квартирасини сотмоқчимисиз ёки шунчаки ўз ҳудудингиздаги квартиралар нархларини билишни хоҳлайсизми — фарқи йўқ. Android ва iOS платформаларига мослаштирилган Uybor.uz мобил дастури Ўзбекистонда сотиладиган, сотиб олинадиган ва ижарага бериладиган кўчмас мулк уммонида сизнинг ишончли ёрдамчингизга айланади.
Реклама ҳуқуқи асосида
Изоҳ (0)