Хорватия конституциявий суди коррупцияда айбланган собиқ бош вазир Иво Санадерга чиқарилган ҳукмни бекор қилди. Бу ҳақда Reuters маълумотларига таяниб, «Европейская правда» хабар қилмоқда.
Собиқ амалдор маҳаллий INA нефть компаниясида асосий улушга эга бўлишга интилган Венгриянинг МОL нефть-газ компаниясидан пора олишда айбланиб, тўққиз йиллик қамоқ жазоси олганди. Ўтган йили Олий суд Санадернинг айбини тасдиқлади, аммо жазо муддатини 8,5 йилга туширди. Конституциявий суд эса собиқ бош вазир ишини қайта кўриб чиқиш ҳақида қарор қабул қилди.
Маълумотларга кўра, иш Загреб судига қайтарилади.
Изоҳ (0)