ФИФА Уругвай футбол федерациясининг миллий терма жамоа ҳужумчиси Луис Суареснинг дисквалификациясини қисқартириш бўйича илтимосномасини қониқтирмади, деб хабар қилади «Championat.com».
Уругвай футбол федерацияси ФИФАга мурожаатида «Барселона» футболчисига клуб миқёсидаги ўйинларда эътирозлар бўлмаганини эътиборга олишни сўраганди. Шундай бўлса ҳам дастлабки қарор ўз кучида қолдирилди.
Суарес 2014 йилги жаҳон чемпионатининг гуруҳ босқичидаги Италия билан ўйинда рақиб ҳимоячиси Жоржо Кьеллинини тишлаб олгани учун 9 учрашувга дисквалификация қилинганди. Кейинроқ Спорт арбитраж суди (CAS) унга машғулот ўтказишга ва ўртоқлик учрашувларида иштирок этишга рухсат берди.
«Барселона» футболчиси миллий терма жамоанинг яна 4 та учрашувида иштирок эта олмайди.
Изоҳ (0)