FIFA Urugvay futbol federatsiyasining milliy terma jamoa hujumchisi Luis Suaresning diskvalifikatsiyasini qisqartirish bo‘yicha iltimosnomasini qoniqtirmadi, deb xabar qiladi “Championat.com”.
Urugvay futbol federatsiyasi FIFAga murojaatida “Barselona” futbolchisiga klub miqyosidagi o‘yinlarda e’tirozlar bo‘lmaganini e’tiborga olishni so‘ragandi. Shunday bo‘lsa ham dastlabki qaror o‘z kuchida qoldirildi.
Suares 2014-yilgi jahon chempionatining guruh bosqichidagi Italiya bilan o‘yinda raqib himoyachisi Jorjo Kyellinini tishlab olgani uchun 9 uchrashuvga diskvalifikatsiya qilingandi. Keyinroq Sport arbitraj sudi (CAS) unga mashg‘ulot o‘tkazishga va o‘rtoqlik uchrashuvlarida ishtirok etishga ruxsat berdi.
“Barselona” futbolchisi milliy terma jamoaning yana 4 ta uchrashuvida ishtirok eta olmaydi.
Izoh (0)