Сўнгги пайтларда «ЖАР» стадионида айтарли ўйинлар бўлмаганлиги учун стадионнинг бугунги кундаги ҳолатига ачиниш кўзи билан қарайсиз, деб ёзади «Championat.asia».
«Стадион ўриндиқларига қачон сув тегиб, артилганини билиш жуда қийин. Агар буни археологлар келиб аниқлаб бермасалар, чангни қўлингизда артиш орқали, унинг қалинлигидан келиб чиқиб бу ерга сўнгги маротаба қачон фаррошнинг қўли теккан экан деб юборасиз.
Ўзбекистон олимпия терма жамоасини ‘Машъал’ билан бўлиб ўтган ўйинида кузатилган бу аянчли ҳолат, МТЖ ва ОТЖ ўйини олдидан бартараф этилса керак, деб ўйлаган эдик. Афсуски адашган эканмиз.
Энг қизиғи ‘Оқ-Тепа’ ва ‘Насаф’ жамоалари ўртасидаги ўйин ҳам шу стадионда бўлган ва бунинг учун пойтахтликлар кичик бўлмаган суммани тўлаб ҳам берганлар. Шунда ҳам ҳеч бўлмаса VIP ўриндиқлар артилмаган», — деб ёзади «Championat.asia».
Айрим ишқибозлар тушлик вақтида ювилиб, қуритиш учун трибунага осиб қўйилган гиламдан унумли фойдаланиб қолди.
Изоҳ (0)