Rossiyaning “Gazprom” kompaniyasi Bosniyaning “Borats” klubi uchun har yili ikki million yevro miqdorida sarmoya kiritish niyatida. Bu haqda Meduza xabar bermoqda.
Bu borada yakuniy bitim imzolanganicha yo‘q, biroq muzokaralar haqida “Borats” direktorlar kengashi raisi Drashko Ilich ma’lum qildi.
Uning so‘zlariga ko‘ra, klub Bosniya Serb Respublikasi (Bosniya va Gertsegovinadagi hudud)ning yetakchi sport brendiga aylanish niyatida.
“Borats” futbol bo‘yicha Bosniya va Gertsegovina chempionatining o‘tgan mavsumida peshqadam “Sarayevo”dan 17 ochkoga ortda qolgani holda beshinchi o‘rinni egallagan.
“Gazprom” sportga, birinchi galda futbolga faol investitsiya kiritib keladi. Kompaniya Sankt-Peterburgning “Zenit” klubiga egalik qiladi, Serbiyaning “Srvena Zvezda”, Germaniyaning “Shalke-04”, Angliyaning “Chelsi” va UEFA Chempionlar ligasining homiysi hisoblanadi.
Izoh (0)